Hand sanitizers containing methanol can be dangerous


कोरोना (
Coronavirus) महामारी दरम्यान संक्रमण टाळण्यासाठी फेस मास्कचा वापर, सामाजिक अंतर देखभाल आणि वारंवार हात धुण्याची शिफारस केली जाते. साबण, लिक्विड किंवा हँड सॅनिटायझर्सने हात स्वच्छ धुतल्याने संक्रमणाचा धोका बर्‍याच प्रमाणात कमी होतो. कोरोना काळापासून साबण आणि लिक्विडची चांगली विक्री होत आहे, परंतु दरम्यान हँड सॅनिटायझर्सचा वापर करणार्‍यांची संख्या वाढली आहे. जागतिक आरोग्य संघटनेसह जगभरातील आरोग्य संस्थांचा असा विश्वास आहे की 60 टक्के अल्कोहोल असलेले हँड सॅनिटायझरचा वापर कोरोना विषाणूचा प्रसार होण्यापासून रोखू आणि दूर करू शकतो. या कोरोना कालावधीत हजारो हँड सॅनिटायझर ब्रँड अचानक बाजारात आले आहेत, त्यापैकी बरेचसे आरोग्यासाठी हानिकारक असू शकतात. त्याबद्दल आम्ही आज तुम्हाला तपशीलवार माहिती देणार आहोत.

Hand sanitizers containing methanol can be dangerous
दरम्यान कोरोनाच्या संकटकाळात अधिकाधिक नफा मिळवण्यासाठी काही कंपन्या नियमांना बगल देत लोकांच्या आरोग्याशी खेळत आहेत. काही कंपन्या हँड सॅनिटायझर्सना अल्कोहोलचा एक प्रकार मिसळलेला आहे, जो आरोग्यासाठी धोकादायक आणि प्राणघातकही असू शकतो. अशाच कारणांमुळे अमेरिकेच्या अन्न व औषध प्रशासनाने मेक्सिकोमध्ये बनवलेल्या नऊ हँड सॅनिटायझर्सविरूद्ध इशारा जारी केली आहे. एफडीएने मिथेनॉलचा वापर करणाऱ्या नऊ ब्रॅण्डना इशारा दिला आहे.
Hand sanitizers containing methanol can be dangerous

मिथेनॉल असलेले हँड सॅनिटायझर्स का आहेत धोकादायक ?

आरोग्य संस्थांच्या म्हणण्यानुसार, मिथेनॉल हा अल्कोहोलचा एक प्रकार आहे, जो अत्यंत विषारी आहे. रेसिंग वाहनांसाठी इंधन म्हणून आणि अँटीफ्रिझ म्हणून सामान्यतः मिथेनॉलचा वापर केला जातो. एफडीएच्या मते, मिथेनॉल एवढे धोकादायक असू शकते की ते त्वचेवर लावल्यास ते थेट त्वचेच्या आत जाते आणि गंभीर प्रकरणांमध्ये ते घातक ठरू शकते. हातांवर मिथेनॉल युक्त सॅनिटायझर लावल्याने विषारी प्रभाव पसरतो. अशा अल्कोहोलयुक्त सॅनिटायझर्सचा वास घेणे देखील धोकादायक ठरू शकते.
Hand sanitizers containing methanol can be dangerous
एफडीएच्या म्हणण्यानुसार मिथेनॉल असलेले हँड सॅनिटायझर्स वापरल्यामुळे चक्कर येणे, उलट्या होणे, डोकेदुखीच्या तक्रारी असू शकतात. यामुळे अंधुक दृष्टी, अंधत्व देखील होऊ शकते. शरीर थरथरणे आणि मज्जासंस्थेचे नुकसान होऊ शकते. ती व्यक्ती कोमामध्ये जाऊ शकते किंवा ती व्यक्ती मरू शकते.
Hand sanitizers containing methanol can be dangerous

… मग कोणते हँड सॅनिटायझर वापरायचे?

जागतिक आरोग्य संघटनेच्या (डब्ल्यूएचओ) मते, आतापर्यंतच्या पुराव्यांच्या आधारे, इथेनॉल आणि आयसोप्रोपानॉल हे एकमेव अल्कोहोल आहेत, जे हँड सॅनिटायझर सुरक्षित आहेत. डब्ल्यूएचओ असेही म्हणणे आहे की सर्व प्रकारचे अल्कोहोल ज्वलनशील असतात, म्हणजेच त्यामुळे त्वरित आग लागू शकते. म्हणूनच, हँड सॅनिटायझर वापरल्यानंतर आगीपासून दूर रहावे. विशेषत: धूम्रपान करणार्‍यांना जास्त धोका असतो. हँड सॅनिटायझर वापरल्यानंतर, सिगरेट जाळण्यासाठी आपण लाइटर किंवा माचिस वापरल्यास आग लागण्याचा धोका अधिक असतो.
Hand sanitizers containing methanol can be dangerous
जर आपल्या सभोवताली अशा प्रकारच्या हँड सॅनिटायझर्सची विक्री होत असेल किंवा अशी कोणतीही बनावट दावा करणारी उत्पादने विकली जात असतील तर आपण त्वरित 1800-11-4000 किंवा 1800-11-4424 टोल फ्री क्रमांकावर त्याची माहिती देऊ शकता.
Hand sanitizers containing methanol can be dangerous

एफडीएने (FDA) या नऊ हँड सॅनिटायझर्स विरोधात जारी केला आहे इशारा

  • ऑल क्लीन हँड सॅनिटायझर: All-Clean Hand Sanitizer (NDC: 74589-002-01)

  • एस्क बायोकेम हँड सॅनिटायझर: Esk Biochem Hand Sanitizer (NDC: 74589-007-01)

  • क्लीन केअर नो जर्म हँड सॅनिटायझर: CleanCare NoGerm Advanced Hand Sanitizer 75% Alcohol (NDC: 74589-008-04)

  • लावर 70 जेल हँड सॅनिटायझर: Lavar 70 Gel Hand Sanitizer (NDC: 74589-006-01)

  • द गुड जेल अँटीबॅक्टेरियल जेल हँड सॅनिटायझर: The Good Gel Antibacterial Gel Hand Sanitizer (NDC: 74589-010-10)

  • क्लिनकेअर नो जर्म अॅडव्हांस्ड हँड सॅनिटायझर: CleanCare NoGerm Advanced Hand Sanitizer 80% Alcohol (NDC: 74589-005-03)

  • क्लिनकेअर नो जर्म अॅडव्हांस्ड हँड सॅनिटायझर: CleanCare NoGerm Advanced Hand Sanitizer 75% Alcohol (NDC: 74589-009-01)

  • क्लिनकेअर नो जर्म अॅडव्हांस्ड हँड सॅनिटायझर: CleanCare NoGerm Advanced Hand Sanitizer 80% Alcohol (NDC: 74589-003-01)

  • सॅनिडर्म अॅडव्हांस्ड हँड सॅनिटायझर: Saniderm Advanced Hand Sanitizer (NDC: 74589-001-01)